Hindi Poems

Bahar se nafrat thi,
Par dil me wo mere basta tha !
Wo pagal sa ek ladka,
Jo dekh ke mujhko hansta tha !!

Kyun thukraya ? mang ko uski,
Soch ke ab pachhtati hu !
Dil ke badle dil manga tha,
sauda kitna sasta tha !!

Kisse puchhu ? kaise puchhu ?
Kyun nahi deta ab dikhayi !
Roz guzarta tha wo idhar se,
Uska yahi rasta tha !!

Dard chhupa kar jeena uski,
bahut purani adat thi !
Bheetar-bheetar rota tha wo,
bahar-bahar hansta tha !!

______________________________________________________

Dil Lagi Ki Kisi Ko Aisi Sazaa Naa Mile
Pyaar Ke Bina Jeena Zindagi Aisi

Kisi Ko Aisi Mout Naa Mile

Kamm Se Kamm Sambhalne Keliye
Dostoun Ka Sahara Toh Mile

Zindagi Me Sab Ke Din Hain Chaar
Ussme Kisi Ko Bhi Itne Gham Naa Mile

Mohabbat Hoti Nahi Sabse Zindagi Me
Jis Se Bhi Ho mohabbat Ho Dil Se

Bass Dil Ko Uss Se Bewafai Naa Mile
Hum Toh Jee Lenge Kaise Bhi Unke Bina

Bass Humari Wajhe Se Unki Aankhoun
Ko kabhi Aansoo Naa Mile Ye Dua Hai Meri

_______________________________________________________

Mohhabat Ka gum hota bahut Hai,
Ke ab Ye Lafz Bhi Ruswa bahut Hai,

Udasi Ka Sabab Main Kya Bataun?
Gali Kochon Mein sannata bahut Hai,

Na milne Ki qasam Kha Ke Bhi Main Ne,
Tujhe Har Raah Mein dhunda bahut Hai,

Ye Aankhein Aur Kya Dekhein Kisi Ko,
Inn Aankhon Ne tujhe Dekha bahut Hai,

Na Jaane Kyun Bacha Rakhe Hain Aanso,
Shayid mujhe Rona bohut hai,

Tujhe maloom To hoga mere humdum,
Tujhe Aik Shakhs Ne Chaha bahut hai…

_______________________________________________________
Wohi Gardashain Wohi Paich-O-Kham Tere Baad Bhi,
Wohi Houslay Mere Dum Ba Dum Tere Baad Bhi,

Tere Sath Thi Teri Jafa Mujhay Mo’atabar,
Tere Saaray Gham Mujhay Mohtaram Tere Baad Bhi,

Mere Sath He Meri Har Khushi Teri Muntazir,
Teri Muntazir Meri Chasham-E-Namm Tere Baad Bhi,

Tu Kisi K Qalab-O-Arzoo Mein Dhal Gaya,
Main Na Ho Saka Kabhi Khud Mein Zamm Tere Baad Bhi,

Mere Baad Kitnay He Roop Tu Ne Badal Liye,
Main Wohin Hoon Ab Teri Qasam Tere Baad Bhi …

________________________________________________________

Tu ne shayad Mere Mehboob ko dekha hi nahi

Kyun usey Tuu ne bas ek Phool kaha hai Mere Dost
Tu ne shayad Mere Mehboob ko dekha hi nahi

Tu jise itni Haseen cheez samajhta hai wo Phool
Sookh jaaye to Nigaahon ko bura lagta hai
Phool ka apna koi rang koi Roop nahi
Uske Jore mai saja ho to Bhala lagta hai
Mera Mehboob to har Waqt Naya hai Mere Dost

Tu ne shayad Mere Mehboob ko dekha hi nahi

Mere Mehboob ke Jalwon ka nahi koi Jawaab
Dhoop sa rang hai aur khud hai wo Chha’aoon jesa
Uski Payal mai Barsaat ka Mausam Chhanke
Sar pe Resham ka Dupatta hai Ghata’aon jesa
Wo jahan bhar ke Haseeno se juda hai Mere Dost

Tu ne shayad Mere Mehboob ko dekha hi nahi

Mere Mehboob ki Aankhen hain Do Gehri Jheelien
Jin mai khilte hain Mere waaste Chahat ke Kanwal
Unko dekhoon to Mujhe Shayari karni aa jaaye
Aur mai uske lye Gaaon Mohabbat ki Ghazal
Wo Mere Dil ke Dharakne ki sada hai Mere Dost

Tu ne shayad Mere Mehboob ko dekha hi nahi

_______________________________________________________

Mohabbaton mein agar koi rasm o raah nah ho
Sakoon tabaah nah ho, zindagi gunaah nah ho

Kutch aetedaal bhi laazim hai dill lagi key liey
Kissi sey pyaar agar ho to bepanaah nah ho

Iss ehtyaat sey mai terey saath chalta hon
Teri nigaah sey aagey meri nigaah nah ho

Mera wajood hai sachaaion ka aaina
Yeh aour baat keh mera koi gawaah nah ho

______________________________________________________

Meri Zindagi to Firaaq hai, Wo Azal se Dil k Makeen Sahi
Wo Nigah-e-Shoq se Door hon, Rag-e-Jaan se laakh Qareen Sahi

Hamein Jaan deni hai ek din, wo kisi tarah wo Kahein Sahi
Hamein Aap khinchey Daar per. Jo nahi koi to Hum hi Sahi

Sar-e-Toor ho, Sar-e-Hashar ho, Hamein Intizaar Qabool hai
Wo Kabi mile, wo kahin mile, wo kabi Sahi, wo kahin Sahi

Na ho Un per jo Mera Bus nahi, k yeh Aashqi hai Hawas nahi
Mai Unhi ka tha, Mai Unhi ka hoon, wo Mere nahi to nahi Sahi

Jo ho Faisla wo sunaye, use Hashar per na Uthaye
Jo kareinge Aap Sitam wahan, wo abi sahi, wo yahin Sahi

Usey dekhne ki jo Loo lagi, to ‘NASEER’ dekh hi leinge Hum
Wo Hazar Aankh se Door ho, wo Hazar Parda-Nasheen Sahi

_____________________________________________________

Socha nahi acha Bura, Dekha Suna kuch b nahi
Manga Khuda se her Waqt, Tere siwa Kuch b nahi

Dekha Tujhe Chaha tujhe, Socha Tujhe Pooja Tujhe
Meri Wafa Meri Khata, Teri Khata kuch b nahi

Jis per Hamari Aankh ne, Moti bichaye Raat bhar
Bheja wohi Kagaz usey, Hum ne likha Kuch b nahi

Aur Ek Shaam ki Dehleez per, Bethey rahe wo Dair tak
Aankhon se ki Batain boht, Munh se kaha kuch b nahi

Do-Chaar din ki Baat hai, Dil Khaak mai mil jaye ga
Aag per jab Kagaz rakha, Baqi bacha Kuch b nahi

____________________________________________________

Apna Use Banana Gar Mere Bas Me Hota
Lout Ata Lout Aana Gar Mere Bas Me Hota

Ankhon Me Unki Jata Surat Badal Badal Kar
Khawabon Me Aana Jana Gar Mere Bas Me Hota

Chahere Ko Muskrahat Se Mai Sajaye Rakhta Hoon
Aye Yaar Muskrana Gar Mere Bas Me Hota

Duniya Se Qatam Karke Rakh Deta Ranj O Gham Ko
Bazm-e-Tarab Sajana Gar Mere Bas Me Hota

Qadmon Me Unke Lakar Taare Bekhair Deta
Taaron Ko Tod Lana Gar Mere Bas Me Hota

Lata Na Naam Bhi Mai Us Bewafa Ka Lab Per
Shahezad Ko Bhulana Gar Mere Bas Me Hota…

____________________________________________________

Mujhy jeenay ki umeed dobara day do,
Meri doobti kashti ko kinara dy do,

Main dard k sahil pay tanha khara hun,
Phir aa k apni baahon ka sahara day do,

Tera daaman to bhara hay sitaron say,
Mujhy sadqay may ik sitara day do,

Mery aangan my aj andhera ha bohat,
Meri dehleez ko phir apna nazara dy do,

Chund lamhy tujhy dekhnay ki hasrat hay bas,
My nay kab kaha waqt apna mujhy sara day do

____________________________________________________

Kisi Se Baat Karna Bolna Achcha Nahi Lagta
Tujhe Dekha Hai Jab Se Dusra Achcha Nahi Lagta

Teri Ankhon Me Jab Se Mai Ne Apna Aks Dekha Hai
Mere Chahre Ko Koi Aaina Achcha Nahi Lagta

Yahan Ahle Muhabbat Omr Bhar Barbad Rahte Hain
Ye Dariya Hai Ise Kachcha Ghada Achcha Nahi Lagta

Tere Bare Me Din Bhar Sunchti Raheti Hoon Laikin
Tere Baare Me Sab Se Puchna Achcha Nahi Lagta

Mai Ab Chahat Ki Us Manzil Me Aa Ponchi Hon Rehana
Teri Janib Kisi Ka Dekhna Achcha Nahi Lagta

__________________________________________________

” yaad nahi kya kya dekha tha sare amnjar bhool gaye….
unaki galiyonse jub laute apana bhi ghar bhool gaye

khub gaye pardes ke apani dewareon dar bholl gaye
shish mahal mein aaisa duba mitti ke ghar bhool gaye

tuzako bhi jub apani kasme apne wade yaad nahi
hum hi apane khawab tere aakhon me rakh kar bhool gaye

muzako jinhone katal kiya hai koi unhe batlaye “Najir”
meri lash ke pahaloo me woh apane khanjar bhool gaye ”

_________________________________________________

Aadamii aadamii ko kyaa degaa
jo bhii degaa vohii Khudaa degaa

Mera qhatil hii meraa mu.nsif hai
kyaa mere haq mein faisalaa degaa

Zindagii ko Qariib se dekho
isakaa cheharaa tumhein rulaa degaa

hamase puuchho dostii kaa silaa
dushmanon kaa bhii dil hilaa degaa

ishq kaa zahar pii liyaa “Faakir”
ab masiihaa bhii kyaa davaa degaa

_________________________________________________

Dilon Mai Sama Nahi Sakti

Labon Pe Rukti, Dilon Mai Sama Nahi Sakti
Wo Ek Baat Jo Lafzon Mai Aa Nahi Sakti

Jo Dil Mai Ho Nazar-e-Gham To Ashq Paani Hai
Ke Aag Khaak Ko Kundan Bana Nahi Sakti

Yaqeen, Gumaan Se Bahar To Ho Nahi Sakta
Nazar Khayaal Se Aagey To Jaa Nahi Sakti

Dilon Ki Ramz Faqat Ehl-e-Dil Jaantey Hein
Teri Samajh Mai Meri Baat Aaa Nahi Sakti

Yeh Souz-e-Ishq To Goongey Ka Khuaab Hai Jesey
Meri Zubaan Meri Haalat Bataa Nahi Sakti

Simat Rahi Hai Mere Baazuoun Ke Halqay Mai
Haya Ke Boojh Se Palkein Utha Nahi Sakti

Jo Keh Raha Hai Sulagta Hua Badan Us Ka
Bata Bhi Paati Nahi, Aur Chupa Nahi Sakti

Ek Aise Hijar Ki Aatish Hai Mere Dil Mai Jesey
Kisi Visal Ki Baarish Bujhaa Nahi Sakti

To Jo Bhi Hona Hai, Amjad Yahin Pe Hona Hai
Zameen Madaar Se Bahar To Jaa Nahi Sakti